दूधकोशी किनारामा पुरुषको शव फेला

८ वैशाख (खोटाङ)-खोटाङको हलेसी तुवाचुङ नगरपालिका वडा नं. १ बाहुनीडाँडास्थित दूधकोशी दुधकोसी किनारमा एक बेवारिसे पुरुषको शव फेला परेको छ । 

बाहुनीडाँडाको लुलीमा पुछारमा पर्ने सान्नेदोभानमा पुरुषको बेवारिसे शव फेला परेको हो । नदीको पानीमा ढुंगामा अड्किएको अवस्थामा शव फेला परेको १ नम्बर वडाध्यक्ष रुद्र राईले बताए ।

अन्दाजी ३०/३२ वर्षको पुरुष शवको पहिचान हुन सकेको छैन । मृतकको शव पोष्टमार्टमका लागि जिल्ला अस्पताल दिक्तेल लगिएको प्रहरीले जनाएको छ । ट्याक्टर लिएर बालुवा लिन गएका मजदुरले नदीमा शव फेला पारेर प्रहरीलाई खबर गरेका थिए । शव डोरीले तानेर पाखामा निकालिएको स्थानीयले बताएका छन् ।